]]والله انك داخل الخفاق ساكن
من عرفتك وانت عندي كل شي!!
كل ماغنى ابو نوره الاماكن
انت والله بس من يطري علي!!
............................................
ليتك تشوف الي بقلبي وتقراه !!
وتعرف مكانك داخل القلب بوضوح !!!
وتشوف حبك كيف قلبي تبناه !!
وتعرف مدى تأثير حبك على الروح !!!
حبك ملك قلبي من أقصاه لأدناه !!
وأقسم قسم لو تأخذ الروح مسموح!!!
.................................................
إن غاب لو لحظه له النفس تشتاق
ندري ظروفه تمنعه ما تطيعه
نودعه والدمع في العين دفاق
هذاك نشري رفقته ما نبيعه
لها المشاعر والأحاسيس تنساق
هذاك ريف القلب وايضاً ربيعه
عسى الذي عاداه في الجسم ينعاق
خبر رجوعه بالسلامه نشيعه
نستقبله بأفراح وورود وعناق
............................................
عندك خبر وش غايتي هالدقيقه؟
ودي أضمك وانفجر فيك .. وأصيح!!
في خاطري من جاير الوقت .. ضيقه
وقلبي غدا معطوب واطلاله اتطّيح
ودي افجر عبرةٍ بي عميقه
فترة غيابك اشبعتني تجاريح
أكابر وبقصى ضلوعي حريقه
نارٍ لهبها لوح الجوف تلويح
تعال ياني لشوف وجهك شفيقه
كل العنا والهم لا شفتك يزيح
علمني كيف الحل كيف الطريقه؟
وشلون أضمك وانفجر فيك وأصيح!!
..........................................
البال ما غيرك من الخلق مشغله
والشوق موجع وإنت ما فيك حيله
مشتاق لك قلبي وإذا ودك اسأله
وشـ لك بـ تطويل الكلام وقليله
من قال لك عذب وليفك وبهذله
عز الله إنه ما كسب بي جميله
بعيد لااحتجتك قريبٍ ولا اوصله
كنك تعلمني وداعك وأجي له..!؟
......................................
بيني و بينك ماتصير التفـاريـق
مادام ..حـبـك.. كـل شي بـحيـاتي
بعض الكلام يجرحني حيل واضيق
واقابـل امـواج العـتـب بسـكـاتي
لا لا يهمـك جمـيع المخـاليـق,,,
ما دام "أنا ذاتك " و "انت ذاتي
......................................
وش لي بعمري كان ما ادور ارضاك
الروح ماهي روحي ان كنت ما افديك
لا ذي ولا هاذي ولا ذا ولا ذاك
يسوون حتى ياحياتي مواطيك
دنياك ياحبي لقربك ودنياك
وانا عيوني حلمها بس تراعيك
.......................................
افز للغالي اذا مر طاريه
فزة يتيم شاف من تشبه امه
تذكر امه يوم كانت تناديه
وحس بجفاها يوم عيت تضمه
مرت سنين العمر محدن يراعيه
والدمع ماتقدر كفوفه تلمه
ابوه ميت قبلها من يواسيه
يبكي ويشكي للمخاليق همه
..........................................
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق
........................................
يمه أبي أعرف إذا الموت بايق
هو باق خلي من عيـون تهمـه
علمه لفاني من دروب وطريـق
قولي ترى حيلي فقد كل عزمه
ياليتني مااقفيـت بالـود رايـق
يوم أن عينه تبتسم لـي ببسمـه
يقول ماغيرك لنا العمـر لايـق
العمر راح اليوم دونـه مذمـه
راح وتركني ماتحرى الوثايـق
الموت ضمني قبل صدري يضمه
......................................
لوغديت بدرب حبك وش يصير
كم سفينة ضاعت بعرض البحر
ولونزل دمعي على شانك غزير
يستحق الورد رشات المطر
ولوبقيت الليل من شانك سهير
تستلذ العين لجلك بالسهر
ولو فؤادي كل ماشفتك يطير
من يلوم الطير في حب الشجر
.......................................
هذاك لو قال :
الشتا صيف " عرقت "
ولو قال :
صيفي برد " شبيت ناري "
هذاك لو قال :
الجمل طير " صدقت "
و أقول :
" ريشه بعثرته الصحاري "
هذاك لو قال :
المطر كذب " وافقت "
" وادور الأعذار حق الخباري "
هذاك لو قال :
القمر طاح " صفقت "
واقول :
" مللته كثير المساري "
هذاك لو قال :
النظر عيب " دنقت "
" يصير لي كف على اللمس ضاري "
هذاك لو ينفي وجودي " توهقت "
" ما عاد ليه حل غير انتحاري "
.........................................
اجمع سهامك واضرب القلب بالحب"
واقسم فؤادي واطرح اللي يعاند"
تلقى النتيجه جسم عايش
بلا قلب "
يقرا الرسايل ينتظر كل وارد "
لا غاب واحد كنها قامت
الحرب "
عساه يفهم وش نعني
((( ... بواحد ... )))
........................................
ما دام قلبي لك شفوقٍ و ميلاف
وراك يا خلي قليل المروفه
قلي عسى ما به على الخاطر خلاف
عسى حبيبي ما قصر دون شوفه
الله كريم يبدل الجور بانصاف
يجبر فوادٍ موجعاته ظروفه
..................................
لا تخفي الود في قلبك وتتعبني ..
ولاتحرم العين شوفك وابتساماتك ..
................................
زعلاان !
اراضيك اعذرني وعاتبني ..
قصرت !
اوفيك انا كلي لمرضاتك ..
طول غيابك وهجرانك يعذبني ..
...................................
ياشين دنيا احرمتني من ملاقاتك ..
...................................
اذا كان العمر يمشي انا عمري بدى
عندك ؛؛+؛؛
واذا قال الزمن وقف ابي حتفي
يجي عندك؛؛+؛؛
ابي بدموعك اتغسل ومن ثوبك
تكفني؛؛+؛؛
ابي العزوا العالم وقالوا لك خلاص
انسى؛؛+؛؛
ترد بصوتك العالي هذاك بقلبه
دافني؛؛+؛؛
ابي تدعي على قبري وتقرا بصوتك
الدافي؛؛+؛؛
عسى ربي يسامحني ويغفر كل
زلاتي؛؛+؛؛
.....................................
مشيتك بالدروب اللي على خطوط
الموت تمشين"
وامنتك تخليني لدورة العمر باقي"
انا ما ابي ذهب والماس ولا قصص
خرافية"
خلقني ربي وكمل جميله بكل
مافيني"
رزقني بالحواس الخمس وبالمشي
على رجليني"
انا ماعاد ابي الا قلوبن ترحم
قليبي"
وظهورن استند عليها
ساعه الحزن والياس"
بكمل دربي بروحي اذا لحالي
بتخليني"
وبطلب ربي يرحمني ولدورة العمر
يبقيني"
...................................
غلاك في قلبي دامني في قضاء ربي امنت ..
حتى لو عنك الظروف ابعدتني..
العفو كاني في حقوقك تهاونت ..
ارجوك لا تشك في حسن ظني ..
يفداك قلب من صميمه تمكنت..
وعيوني اللي من غلاك اسهرتني ..
....................................
ابي (( وعـــــــد )) منك انك
ما تخليني..؟
ولا تساوي غلاي بواحد ثاني ..!
وان كانك تحبني صدق وتغليني ..؟
لامني أخطيت اسمحلي على شاني ..!
اما انا في محبتك ما يلزم توصيني .؟
من يمك الروح تأمرني وتنهاني !
........................................
فديتك !!
كلمه تعني فداك القلب
والوجدان
معانيها غلا واشواق تموت
بطيها احزاني
فديتك !!
في زمان شح فيه الصاحب
الانسان
فديتك !!
دمعه عذبه تطفي نار حرماني
فديتك !!
يابعد عمري ترجح كفه الميزان
غلاك بقلبي لوتدري تمكن في
شراييني ...
....................................
أحتاجلك لا ضيق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أبيك تسأل عن حياتي وتدري
عن ضحكة أيامي ووافي عناها
أحتاجلك في كل لحظه بعمري
لاصرت روحي كيف أحيا بلاها
..................................
كتبتلك خطٍ و لا جاني ردود
ياليتي ادري وش مشغلك عني!
هذا جزايه منك هجران و صدود ؟
عزاه يالمحبوب خيبت ظني
يزل ليلي ما تهنيت برقود
بين التوجد و الرجا و التمني
.........................
من بلاه الله تصبر و احتسب
عادة المسلم على الشدة صبـور
آتلمس للخوي عذر و سبب
لى لحقني من بعض ربعـي قصــور
.......................................
ساري و أصوت لك أبيك
النظرة في عيوني تبيك
و الرعشة في قلبي تبيك
شعوري ذا الليلة غريب
كيف الحبيب يشكي الحبيب !
[/[/size]size][/size]
الجمعة يناير 09, 2009 10:17 am