هذا غياب اسبوع وشلون لو طال

اسبوع مر ولآ وصل منك مرسال
يا قو قلبك كيف تقطعني اسبوع

الجوع كافر وأنت مآ ترحم الحال
وانا عليك من الولة ميت(ن) جوع

ياللي غيابك صعب يطري على البال
تركتني ضايق وحاير ومفجوع

ما كني إلا شايب(ن) فاقد عيال
وما كنك إلا محرم(ن) حق مشروع

يفوع لك قلبي إذا مر الأطلال
يا ليت مالي قلب يشتاق ويفوع

حسبي عليك شلون قطعت الآمال
واموت لا صار الامل فيك مقطوع

يا صاحبي ما كل نزآل رحآل
انت الحياء من وين مآ رحت متبوع

نسياني لزول بالأعماق يختال
اصعب على صاحبك من حبه الكوع

لو الثمن في شوفتك عمر رجال
كان الثمن من يوم مآ غبت مدفوع

ولو القدر ما تم قوله إلا قال
ما ضاق صدر ولا انحنى راس مرفوع

يا صاحبي عشقتني فعل وخصال
وانا عشقتك شعر وإحساس وطبوع

وشلون تتركني كذا لأشهب الآآل
وقدآم عيني تجف ينبوع ينبوع

وانا عشانك جيت والغيم همآل
اسيل الوديان واداحم جموع

مآ ردني عنك سوآليف عذآل
تزعل علي ربوع وتقدر ربوع

كان المهم اعيشك جنون ووصال
ويكون لي كلمة ولي راي مسموع

واليوم ضاقت بي من الجال للجال
فرقاك تقسم ظهر وتحز وتلوع

لو جيت شفت الحال مآ سرك الحال
في غيبتك ضايق وحاير ومفجوع

هذا غياب اسبوع وشلون لو طال
طالبك لآ يطول غيابك عن اسبوع
__________________

...............> د . لوودي <..............

مشكورررررررررررة ياااااااااااااقمر

تقبلي مروري

» وشلون ابنسى ضحكتك